有報道指買了九巴月票的市民後悔，想退票。筆者第一反應是：其實那些買月票的人，條數是點計的呢？九巴剛剛推出月票計劃的時候，我已經與朋友分析過——絕對買唔過！
780元一個月，如果一個月工作26日，每日30元；如果一個月工作22日（雙休），更加每日貴達35元，單程17.5。一般住九龍的市民，過海巴士的車費也就差不多這個數，根本省不了多少錢。一些宣傳所講的最多可以打八折，可能是以一個月坐足30日來回來計算的。既然返足工才能賺少少，基本可以肯定，買月票一定 「偷雞不成蝕把米」。為什麼？因為不是每個月你都會返足工。2月你有返足工嗎？春節放假多日，我敢肯定2月用月票一定無着數。3月底4月頭又有復活節假期。其實將全年的假期、年假分攤到每一個月，你每個月上班的日數好可能只是20日，好多個月你都唔會返足工。所以要返足工才有少少 「着數」的九巴月票，絕對是搵笨！
另一個陷阱是好多過海線路都是九巴、城巴聯營，月票只能搭九巴要買月票。單單是班車疏一半這一條，你8折我都已經覺得勁貴，少一半車點解唔係5折？再加上你無可能用盡，原則上一定要低於5折我才會考慮。無論理論上還是實際上，都一定可以推出涵蓋不同巴士公司的月票，無可能唔得，特區政府無做協調根本是懶政。
吳桐山：時事評論員